Кристијан Каровски е роден 1986 година во Скопје. Музичкото образование го започнува на шестгодишна возраст во класата на проф.Људмила Романова. Дипломира 2009 год. Магистрира 2010 год. на Факултетот за музичка уметност при универзитетот Св.„Кирил и Методиј“–Скопје, во класата на проф.Борис Романов, со највисока оцена и Цум Лауде. Добитник е на повеќе државни и меѓународни награди : прва награда на натпреварот „Шопенијада“ (1996) Скопје, прва награда на меѓународниот натпревар во Брно - Чешка (1997), специјална награда на Државниот натпревар (1999) Скопје, трета награда на меѓународниот натпревар (2000) Милано, втора награда на меѓународниот натпревар (2005) Белград. Од државните награди позначајна е наградата од Фондацијата „Климентина Рафајловска“ која го прогласи за најдобар матурант во 2005 год. Одржал повеќе самостојни рецитали во својата земја (2004, 2005, 2008, 2009). Еден од најзначајните е рециталот на Фестивалот „Охридско лето“ 2009 год. Повеќе пати настапувал како солист со Македонската филхармонија. Повеќе од 10 години е учесник на меѓународниот семинар на проф.Борис Романов, одржуван во рамките на Охридско лето.