Корените на овој тродневен фестивал ги наоѓаме во гостувањата на Lary Coriel, Mick Taylor & All Star Blues Band и други.Интересот на публиката со прифаќањето и поддршката на овие програми доведоа до сопствена концепција на овој дел од музичкото живеење на Скопје, а со концентрацијата на концертите во еден определен период доведе до формирање на посебна манифестација.

Така во 1996 година заживеа новиот музички фестивал во Македонија, Блуес & Соул Фестивал кој традиционално се одржува во периодот од 1 до 7 јули.

Првиот фестивал во 1996 година беше посветен на гостите од странство: Candy Dulfer & Funky Stuff, Joao Bosko, Billy Cobham Group и Lucky Peterson Blues Band. Во годините потоа следуваа гостувањата на: The Temptations, Tolo Marton Trio, Blues Wire. Phil Guy, Nick & The Backbone, Blues Company,Vasil Hadimanov Band, Michael Hill’s Blues Mob, M-r Lucky and Sen – Sa – shun Band, Louisiana Red,Todd Sharpville Band, Mick Taylor, Kimbiza, Rod Barthet Band, Tony Vega Band, Erick Sardinas, Juke Joint Express, Blues Cousins, Alvin Joungblood Hart’s, Muscle Theory, David “Honeyboy” Edwards, Mama’s Pit, Nico Wayne Toussaint и други.